داء الدفاره هلاك الارواح ...!!

السلاام عليكم ورحمت االله وبركااته

حيا الله كل الي جايين يفرون في موضوعي

ويسعدتي قلطتكم عندي<<القهوه يا صبي

بما اني منذو مبطي ما سويت موضوع ي النكت

يعني مو في الفورمه<<<متعلمه من التحليل الرياضي حق مباراة الهلال

ولكم ولو شتو تسوي موضوع ولا اشارك فيه<< مستحيل

وسويتلكم موضوع وانشالله ينال رضاكم واستحسانكم

جاري تحميل الموضوع

==>==>==>

ميسوو هو شاب وسيم فاقع الجمال<< لازم امدح روحي

يعيش مع امه وابوه واخوانه في بيت صغير<<تقدرون تقولون عشه

يصحى ميسووو صباحا ويذهب الى المدرسه الساعه 7 ويعود الساعه 9 ويمزرها على امه(يعني يكذب عليها) ويقول طلعونا بدري وهو مهرب من المدرسه

وفي كل يوم يجي ابوه ويلعن الي جابه لانه عرف انه حاط رجله اذا جت حصه الرياضيات

<<احد يقابل عبداللطيف وما يحط رجله؟؟

العصريه يكون ميسوو يفر في الحاره ويشلح من البقاله ويلفع البنقاليه

ومرات يصادفه افغاني ويحترم نفسه ميسوو <<لان الافغاني ما يرحم

ميسوو شخص داج دراسيا وبعنف

ولكن ...!!

نبدا القصه

في نهايه سنه دراسيه شيقه وحافله بالنكبات
كان ميسوو راجع لبيته فرحا وخشته مفتوحه 15 بوصه من الوناسه
ويركض ومن الحماس بيبشر ابوه بالشهاده جادع نعاله عند باب المدرسه

واول ما دخل على ابوه ويروح لابوه ويحظنه وياخذه ابوه بالحظن ويفر فيه وميسوو يقول باركلي يا بابا نجحت
وابوه يقوله: الف مبروك يا حبيبي

<<<هذه كانت احلام ميسوو وهو في الطريق للبيت

وهو في هذا الاحلام الا وهو صاك عامور كهرب

المهم وصل للبيت ويركض بيحظن ابوه الا ابوه يصكه بدله القهوه:عمى يعميك وش فيك انهبلت

ميسوو:ابشرك يبه نجحت اخيرا واخذت الرابع على الصف

ابوه:لا ما اصدق من متى انت تنجح؟ اخر مره اذكر كنت ساقط في 15 ماده واصلا ما عندك الا 11

ميسوو: هذا الي صار المهم ابي نجاحتي

ابوه: ابشر بالنجاحه

ميسوو: ابي دباب ابو اربع كفرات

ابوه :خلاص بكره اشتريه بس اول بروح للمدرسه اشكرهم

<<<وهنا ميسوو بلع العافيه<< والله ورحت غلطه يا ولد

وفي اليوم التالي :-

يذهب ابو ميسوو للمدرسه بيشكرهم على الجهود

الا المدير يصكها في وجهه وش نجاحه ولدك اخذ الرابع على الصف واصلا ما في الا 3 طلاب

ويرجع ابو ميسوو ويلقى ميسوو مثل الملاك نايم في فراشه ومتغطي بالمطرحه<<المطرحه كائن يتغطو فيه مبطي

ويشوته :قم قامت قيامتك تبي دباب بعد انت ووجهك حدك سيكل ويخب

ميسوو: يوووه خلاص سيكل سيكل الشكوه لله بس ابي رانبوو مو تجيبلي كفرات سفنج مثل العاده<<ولله الولد قنوع

ابوه: وتشرط بعد قم رح اعلف المعزا

ويقوم ميسوو ويروح يفطر فطوره العاده( مرق باميا ولبن)<< يلعن ابو الشهوه على الريق
ويروح عند التلفزيون ويفتح على برنامجه الممتع<< اخبار السعوديه الاولى

وهو يشتغل والولد متحمس يتابع الاخبار<< يسمع بالمتابعه

والا مراسل السعوديه في باريس يقول: عبدالكريم سمارى تلفزيون المملكه العربيه السعوديه بااااااريس<<<<يا قدمه والله وحتشتي السعوديه الاولى

وميسوو يتخيل خشته مراسل وهو طاق البدله والكرفته ويقول ميسوو تلفزيون المملكه العربيه السعوديه بااريس

<<<اموت واعرف كيف يلبس الكرفته

وهي تخش في مخه البرئ انه يصير مراسل وقرر انه يصير دافور عشان يحقق حلمه وانه يصير مراسل

وهو كل العطله وهو ينتظر الدراسه على احر من الجمر

<<< اول مره تصير العطله طووويله بالعاده ما تحس الا مدير المدرسه يقول اهلا بكم في العام الدراسي الجديد
ومر الوقت

وفي بدايه السنه الدراسيه الجديده كان ميسوو يجهز نفسه ليروح للمدرسه وتناديه امه

امه: ميسوو تعال افطر

وامه مجهزه له فطوره ( الباميا واللبن)

قال لالا خلاص بترك الفطور هذا ابي (فوول وثوم)<< بيصير مصري الله لا يعوقه بشر

وراح ميسوو للمدسه وصف مع المصاريه<<< عشان يعدونه ويصير دافور

ودخل الفصل وركض هو والمصاريه يتهاوشو على اول طاوله وهو يشوت مصطفى ويصير اول واحد قدام المدرس مباشرة

ويدخل المدرس ويناظر مطير عيونه :ميسوو وش جابك هنا؟؟

ميسوو: خلاص بصير دافور ما تشم ريحتي ثوم؟؟

المدرس: الا اشم بس احسبه من حماده و مصطفى

واول ما جلس ميسوو ويطلع عفشه( اقلام وهندسه ومساحه وبرايه و مقلمه و دفتر خرايط ودفتر تدبير منزلي(ما ادري ليش جايبه) و و و ..الخ)

<<<<حتى دفتر الطبخ حق امه جايبه معه

وبالاخر طلعت الحصه حصة فنيه والاخ ناسي كراسته ما جابها<<ابو القهر

المهم وبدت الدراسه ومشت اموره تمام وبدا ميسوو يدرس

وصار ميسوو ما يمشي الا مع مصاريه يبي يصير دافور والله لو بالهوشه

وفي مره صارت مسابقه اسمها افضل دافور<< ما سمعتو في هالمسابقه؟؟

واختارو كم اسم من المدرسه وبالغلط صار ميسوو منهم<<< كيف صار منهم ؟؟ الله اعلم

وصارت المسابقه ومشت الامور تمام والمدرسه وصلت النهائي بجداره وكان ميسوو معهم يدربي راسه ما يعرف ايش السالفه

والنتيجه تعادل وصار سوال الحسم وكل فرقه تختار واحد من الفرقه الثانيه في سوال الحسم

ومن حسن حظ ميسوو ان الفريق الثاني اختاره<<<< لا والله فازو

والحكم يعطي سوال ما عاصمه اسبانيا

رد ميسوو :مادري<<بسرعه قالها

قال الحكم: صح مدريد الف مبرووك فزتو بالمسابقه

<< ميسوو للحين ما يدري ايش السالفه

والمصاريه والدوافير يركضون له وهو يناظرهم بكل برائه:ايش السالفه؟؟

وصار ميسوو معروف بالدفاره وكل المدرسه يناظرونه ويأشرون عليه :جاكم الدافور جاكم الدافور

وطلبو من ميسوو يطلع في برنامج انه ادفر واحد بالمملكه<<<ام الصدف

عاد ميسوو الحين بيجهز نفسه للمقابله

جاي لابس فنيله الهلال وسروال عادي بس لونه اصفر من كرف السنين<<<يحسبونه لابس النصر

وبدءت المقابله وساله المقدم<<<على ما اذكر انه حامد الغامدي<<هو في غيره بالسعوديه الاولى؟؟

المقدم: كيف وصلت الى هالمرحله من الذكاء؟؟

ميسوو: اكيد ما كنت اقشر بصل عند امي بالبيت وصلتها بالمثابره والجد والاجتهاد<<< يا القهر مدري صارت مدريد بقدرت قادر

المقدم: طيب ايش امنيتك في المستقبل؟؟

ميسوو: من نعومه اضفاري وانا اتمنى امثل الوطن في المحافل الدوليه بس الحين ودي اصير مراسل مثل عبدالكريم سمارى حقكم

المقدم: ومعنا اتصال هاتفي من مدير القناة السعوديه.. الوو السلام عليكم

مدير القناة: وعليكم السلام احب ارحب فيكم وبالنابغه السعودي الاول ميسوو<<صار نابغه ابن اللذين

المقدم:اتفضل بمداخلتك

المدير: انا بس سمعت امنية ميسوو وحبيت اقوله ان امنيتك انشالله بتتحقق و بمناسبة حصولك على جائزة اذكى طالب سعودي قررت اني ارسمك مراسل في قناتنا

ميسوو مطير عيونه وفاتح خشته 18 بوصه مو مصدق انا مراسل ما اصدق خليفه عبدالكريم سمارى ووجيه عوينه<<< حافظهم من كثر ما يجو في السعوديه الاولى

وفي اليوم التالي:-

راح ميسوو للقناة بيستلم شغله وكل طموحه انه يستلم مكان عبدالكريم سمارى في باريس

واول ما دخل و يتوجه للمدير الي ياخذه بالاحضان ويبشره انه بيوديه لاحلى مكان واكثر مكان تطلع فيه في التلفزيون

<<وميسوو يتخيل نفسه ماسك المايك ويشرح احوال الطقس وهو تحت الثلج في باريس
ميسوو: وين انشالله باريس والاواشنطن والا بنقالي والا موزنبيق <<< يلعن ام الاختيارات
المدير: لا مكان احسن
ميسوو(مطلع لسانه من الحماس): وين وين ؟؟
المدير: في جبل دخان<<<< هذاك الي فيه الحوثيين
ميسو: وااااااااااااات بتجدعني عند الحوثيين يا اخي خاف ربك انا اصرف على يتاما ما عندهم بعد الله غيري <<<بدا يتشكى هالبنقالي
وانا يتيم وامي وابوي يحبون اخواني اكثر مني<<<اذكرك يتيم

المدير: عاد هذا الي عندنا تبيه والا اقضب الباب

<<ميسوو طموحه وحلم حياته انه يصير مراسل قال الشكوه لله دخان دخان لو تبي شيشه مو مشكله

وراح لجبل دخان وبدا يراسل هناك

واول يوم لميسوو في المراسه صار في انفجار حوله

وداخ واغمي عليه وما صحى الا وهو بين ناس ما يعرفهم يحسبهم من اهل الديره

وهو الي يسب ويلعن في الحوثيين: عيال الطااااط الي ما تربو انا جاي من رفحاء وناويهم ناويهم والله لو اشوف واحد من عيال الطااااط لا واريهم الشغل<<<ذابحتك الوطنيه

وواحد منهم قال: يعني انت قاي من بلدتك تقتلنا؟؟

ميسوو (مستغرب): هو انتم حوثيين؟؟؟

الحوثي: ايه حوثيين وانت تبغى تقتلنا هاه؟؟

<< وميسوو يبلع ريقه

ميسوو: لا والله ما ابي اقتلكم اقسم بالله ما لي دخل انا جاي اراسل انتم عمامي ما اقدر اقتلكم ربي يخليك لامك تكفى خلني اروح وراي عيال اصرف عليهم

المهم الحوثيين صوره انه رهينه وهم في التصوير يتكلم

ميسوو: انا المراسل ميسوو مراسل العن قناة على وجه الارض .. الله لا يوفقك يا مدير الشمته والا انا وين والحوثيين وين لو انا جالس مع امي اكل باميا ولبن ابركلي

وصار ميسوو رهينه في يد الحوثيين<<<< والله لو يخلون الحوثيين يقتلونه انه ابرك للشعب السعودي
وفي مداهمه للجيش السعودي على وكر الحوثيين حصلو ميسوو مربوط

وفكووه واخذوه وهم اخذينه والا يشوف الحوثي الي قابله اول مره وهو الي يتفل عليه ويصكه ذاك الكف المحترم

ميسوو: الله ياخذكم يا عيال الطااااط ما باقي الا انتم عمامي ..!!

والحوثي يطير عيونه عليه

ميسوو وهو يبلع ريقه<<<خايف ينخطف مره ثانيه

ويحط رجله ويرجع رفحاء ويروح للمصاريه ربعه الاوليه ويلعن الي جابهم لابوكم لابو الي يصير دافور معكم

[وهذه نهايه الدوافير فاحذوا اخواني الاعضاء من هذا الداء الخطير]

تم تحميل الموضوع

==>==>==>

** ارجو ان تنال اعجابكم**[b][i]